Selasa, 13 Desember 2011

TORONA E SICOLA MAEMA’ ROIT ANSICOLA WO AMPE’DO’ONGAN




Kamang ayur wewe’e i kasuruan,
Makapulu’ sama cita imbaya, me’e i makase banyak asi Amang Kasuruan nimangun intana’ wo langit, wo secita intou asi oras yasa esa kamang wewe’e i Amang ase cita imbaya. En asi oras yasa, cita imbaya mi’i luminga sa sapa si mamuali katorona’an e toya’anta ansamantara sera ma’sicolape. Sapakem sikatorona’an itu mamuali oka katorona’an era wo kalo’o-lo’oran era anendo ansomoi.
Angkatumena’an era tu’tuw era ansicola pe’ susyanta sera kumensa ro’na matouw lo’or asi endo ansomoi. Susuyanto sera, ansamantara masicola pe’ ma’ema roit mande toyo-toyoke. Wo si’tu sera anendo ansomoi raica melengey wo maki’i-ki’it imberen ase kakele era kinamang i Amang Karusuruan.
Torona i pawalita susuyanta ma’ema roit tumo’tol ansicola wo mange anune’d impe’do-ongan, si tuw engkato’towan era ayur, makapendam kinamang wo raica lengey anune’d impe’do-ongan.
Ta’an sa raica susuyanta intarepe, citake’ i matu’a era makawali sera angkalengeyan wong kalicokoan. Citake’ imbaya nimema sera mamuali tou susa wo rombit anune’d e tou ampe’do-ongan.
Sa cita imbaya uli-ulit luminga wo tumarukira se waya kukua tarepe, torona e toya’anta, lebe-lebe se endo angsomoi, tantu pailekenta se toya’angta awean kaidopan ayur.
Yaka’dku pe’ wo asie’i.
Pa’ arapenku kamang ayur i Amang Kasuruan wangko rumapit oka mange ase cita imbaya. Makase.

Penyusun
H.B. Sondakh

Tidak ada komentar: