Oleh: Iswan Sual
Tu kegiatan ini memang so program dari Komisi Pemuda Sinode GMIM. Tiap taon dorang beking. Ini hari torang Pemuda dari GMIM Bukit Moria Tondei Satu iko. Cuma nda sama deng tu da harapkan. Karena datang terlambat, akhirnya nda dapa iko samua tu acara. Pas sampe di Stadion Klabat, ibadah klar. Korang da dengar tu sambutan dan G.V. Lumentut, Billy Lombok, deng S.H. Sarundajang. Dapa lia tu acara ta bongkar skali. Orang-orang penting ini bicara mar lebe kuat tu orang bacirita pe suara. So nda da harga karu tu pejabat-pejabat ja bicara. Ujang rinte-rinte beking torang ujang akang. Untung so makang seblum sampe di Stadion. Mar beking salah teman-teman laeng beking saki kapala. Bajalang so nda babilang. Napa sampe skarang blum da baku dapa. Nintau dimana ona dorang.
So lama kita nda batulis di blog ini. Padahal kita suka skali mo batulis. Kita da bawa kita pe kumpuluan puisi yang kita da tulis selama satu taon trakhir ini. Mar so talupa di oto sama-sama deng kita pe telor rubus 4 biji.
